Ang Pinoy Valorant squad na Bren Esports ay nanaig bilang isa sa mga paborito ng tao, matapos magpakitang gilas sa VCT SEA Challengers Playoffs campaign. 

Ipinadala ng Bren Esports ang kanilang kalaban sa Southeast Asia na ang BOOM Esports sa lower bracket matapos makamit ang dalawang map victories sa Day 2. Ang Pinoy na squad na ito ay nagtagumpay laban sa BOOM sa kanilang mga panalo sa Haven at Bind na nagresulta sa isang 13-3 round score. 

Ginawa ng bawat players sa roster ng Bren ang kani-kanilang parte at ipinamukhang seamless ang bawat panalo. Minimal lamang ang mga pagkakamali dahil ginamit ng Bren ang kanilang agresibong laro laban sa indecisiveness ng BOOM. 

Ang bagong dagdag na player sa Bren na si Riley “witz” Go ay naging isang key factor sa panalo ng team. Sa paggamit ng Skye at Sova sa kanilang team, alam na alam ng Bren kung ano ang dapat nilang gawin. Ginamit nila ang impormasyon na ito para magplano ng time rotations, at nagset up rin sila ng agresibong flank plays para mas intense. 

Ang bida ng match ay ang team captain ng Bren na si Jessie “JessieVash” Cristy Cuyco na nagtala ng MVP Honors sa Haven para sa kaniyang 20/7/8 KDA at 366 ACS na performance. Sa Bind map naman, tinapos ni JessieVash ang laro ng may 17/6/7 KDA at 261 ACS score. 

Matapos ang tagumpay ng Bren, sinabi ni team coach Gilbert “Gibo” Sales sa ONE Esports na nag-improve ang team dahil sa kanilang bagong squad member. “In my opinion, witz has been a huge help to the team because we are now able to use agent compositions we’ve always wanted to run.” 

May CS:GO background si Witz at siya ang itinalagang AWP player ng team. Siya ay lumipat sa Valorant kasama ang NG.Blue na kinuha ng Made in Thailand. 

Ibinahagi ni Gibo na noong kasama pa ni Witz ang MiTH, siya ay naglaro gamit ang Initiator role. Kaya noong sumali siya sa Bren, pinakiusapan nila na gawin niyang main si Skye. Naniniwala ang buong team na isa siyang importanteng ahente sa kasalukuyang Valorant meta. 

Sa kasamaang palad, kahit na nagsikap sila, masyadong magaling ang Paper Rex at tinalo nila ang Bren Esports, 1-2. Pero sa final game, nagpwersa ng overtime ang Bren, at patuloy na pinahirapan ang kanilang kalaban. 

“We weren’t prepared for the kind of pace Bren was running,” inamin ni Benedict “Benkai” Tan ng Paper Rex matapos ang match. 

Sinabi ni Benkai na ang pag-push ng Bren ay ang nagpahirap sa kanila. “Their attacking side was the harder part. The match boiled down to adjusting to their pace.” Benkai also praised Bren as “the hardest team [they’ve] faced thus far.” 

Maaring makalaban ng Bren Esports ang NXL, CERBERUS Esports o CBT Gaming sa lower bracket quarterfinals. Habang ang Paper Rex naman ay susulong sa upper bracket final kung saan haharapin sila ng X10 Esports.