Umalis ang CIS Dota 2 stars na sina Vladimir “No[o]ne” Minenko at Akbar “SoNNeikO” Butaev sa AS Monaco Gambit matapos mag-qualify sa WePlay Animajor, ang ikalawa at huling Major tournament ng Dota Pro Circuit 2021.

Pumutok ang balita nang ianunsyo ng team na papalitan nina Stanislav “633” Glushan at Artem “Lorenof” Melnik ang naturang mga manlalaro ilang araw bago ang tournament.

Ang balak nina No[o]ne at SoNNeikO na umalis sa AS Monaco Gambit noong simula ng DPC Season 2

AS Monaco Gambit at ONE Esports Singapore Major
Credit: ONE Esports

Ipinaliwanag ng AS Monaco Gambit ang intensyon ni SoNNeikO na umalis sa koponan matapos ang tila palpak na panimula sa DPC Season 2 ng Eastern Europe. Nakumbinse lamang ang support player na tapusin ang season matapos mag-switch ng roles ang mga miyembro.

“In spite of that, SoNNeikO and No[o]ne refused to go to Kyiv and expressed their desire to leave Gambit. Given the situation, we see no reason to hold players whose contracts expire at the end of DPC Season 2,” pahayag ng AS Monaco Gambit.

Dota 2 roster ng AS Monaco Gambit sa WePlay Animajor

  • Kiyalbek “dream`” Tayirov
  • Vasilii “AfterLife” Shishkin
  • Aleksandr “Immersion” Khmelevskoi
  • Artem “Lorenof” Melnick
  • Stanislav “633” Glushan

No[o]ne, SoNNeikO pasok sa Na`Vi roster

Credit: ONE Esports (SoNNeikO at ONE Esports Singapore Major)

Isang oras matapos ang post ng AS Monaco Gambit, inanunsyo naman ng Natus Vincere ang pagsali nina No[o]ne at SoNNeikO sa kanilang Dota 2 roster.

“Our Dota 2 team finished 6th in the top division and failed to qualify for WePlay AniMajor. Unsatisfying results and defeats in the keymatches of the season significantly undermined the atmosphere in the team. Therefore, changes were needed to get back on track,” paliwanag ng Na`Vi.

Ibinahagi rin ng Na`Vi ang kanilang intensyong na kunin si No[o]ne nang mas maaga, ngunit nagpasya silang makipagtrabaho muna kay Bogdan “Iceberg” Vasilenko hanggang makapasok sa Major.

“Unfortunately, it wasn’t possible to completely cope with internal problems,” ika ng Na`Vi. 

Ito na ang ika-apat na pagkakataon na nagkrus ang landas ng Na`Vi at ni SoNNeikO. Nais ng dalawang partido na maka-qualify sa susunod na The International, ang pinakamalaki at importanteng Dota 2 tournament.

Samantala, ikinatuwa naman ni No[o]ne ang paglipat sa tanyag na esports organization, “I am very happy to join Na`Vi. It’s not just the routine words for me. Together with the rest of the squad and with the support of a strong organization, we want to achieve the highest results.“

Natus Vincere’s Dota 2 roster

  • Alik “V-Tune” Vorobey
  • Vladimir “No[o]ne” Minenko
  • Roman “RAMZES666” Kushnarev
  • Vladimir “RodjER” Nikogosyan
  • Akbar “SoNNeikO” Butaev

Umani ng 255 DPC points ang Na`Vi matapos ang DPC Season 2, ngunit hindi na ito maaring madagdagan matapos ang kanilang kabiguang makapasok sa WePlay AniMajor.

Ang tanging pag-asa na lang ng Na`Vi na makalaro sa ika-sampung The International ay ang Last Chance Qualifier ng Eastern Europe, kung saan isang team lamang ang papalarin.